नवी दिल्लीः विवो कंपनीने आपला स्मार्टफोन Vivo V19 आज भारतात लाँच केला आहे. या फोनचे खासे वैशिष्ट्ये म्हणजे यात ड्युअल सेल्फी कॅमेरा, ४५०० एमएएच क्षमतेची बॅटरी आणि क्वॉलकॉम स्नॅपड्रॅगन ७१२ प्रोसेसर देण्यात आला आहे. ग्लोबर बाजारात हा फोन गेल्या महिन्यात लाँच करण्यात आला होता.
Vivo V19 ची किंमत – फीचर्स
कंपनीने भारतात या फोनला ८ जीबी प्लस १२८ जीबी स्टोरेजमध्ये उतरवले आहे. या फोनची किंमत २७ हजार ९९० रुपये ठेवण्यात आली आहे. ८ जीबी रॅम प्लस २५६ जीबी स्टोरेजच्या फोनची किंमत ३१ हजार ९९० रुपये आहे. हा फोन ब्लॅक आणि सिल्वर कलरमध्ये उपलब्ध असणार आहे. या फोनची विक्रीय १५ मे पासून अॅमेझॉन आणि फ्लिपकार्टसह अन्य साईट्सवरून होणार आहे.
कंपनीने या फोनच्या खरेदीवर एचडीएफसी आणि आयसीआयसीआय क्रेडिट कार्ड्सवर १० टक्के कॅशबॅक दिला जात आहे. तसेच वन टाइम स्क्रीन रिप्लेसमेट ऑफर आणि ४० हजार रुपये किंमतीची जिओ बेनिफिट्स मिळत आहे. तसेच विवो एअरटेल ग्राहकांना डबल डेटा, एअरटेल एक्सस्ट्रिम प्रीमियम सब्सक्रिप्शन, विंक म्युझिक सब्सक्रिप्शन यासारखी सुविधा दिली जात आहे. व्होडाफोन – आयडिया ग्राहकांना १.५ जीबीचा अतिरिक्त डेटा मिळत आहे.
Vivo V19 ची खास वैशिष्ट्ये
अँड्रॉयड १० वर काम करणाऱ्या या फोनमध्ये ६.४४ इंचाचा फुल एचडी प्लस सुपर अमोलेड डिस्प्ले दिला आहे. यात क्वॉलकॉम स्नॅपड्रॅगन ७१२ प्रोसेसर, ८ जीबी रॅम पर्यंत आणि २५६ जीबी स्टोरेज देण्यात आला आहे. या फोनमध्ये क्वॉड कॅमेऱ्याचा रियर सेटअप दिला आहे. रियर कॅमेऱ्यात ४८ मेगापिक्सलचा प्लस ८ मेगापिक्सलचा प्लस २ मेगापिक्सलचा प्लस २ मेगापिक्सलचे चार लेन्स दिले आहेत. कॅमेऱ्यात नाइड मोड, अल्ट्रा स्टेबल व्हिडिओ, आर्ट पोर्ट्रेट व्हिडिओ आणि सुपर मायक्रो यासारखे अनेक फीचर्स देण्यात आले आहेत.
३२ मेगापिक्सलचा ड्युअल सेल्फी कॅमेरा
या फोनमध्ये ड्युअल सेल्फी कॅमेरा दिला आहे. यात ३२ मेगापिक्सलचा आणि ८ मेगापिक्सलचे असे दोन सेन्सर असणार आहेत. फ्रंटला कॅमेऱ्यात सुपर नाईटी सेल्फी, सुपर वाइड अँगल सेल्फी आणि अल्ट्रा स्टेबल व्हिडिओ यासारखे फीचर्स देण्यात आले आहेत. फोनमध्ये ३३ वॅट फ्लॅश चार्ज २.० सोबत ४५०० एमएएच क्षमतेची बॅटरी देण्यात आली आहे.
