मुंबई: भाजपला दूर ठेवून महाराष्ट्रात सत्ता स्थापन करण्याचा निर्णय शिवसेना-काँग्रेस व राष्ट्रवादीनं घेतला असून आजच तिन्ही पक्षाकडून सत्तास्थापनेचा दावा केला जाण्याची शक्यता आहे. हे सगळं सुरू असतानाच भाजपनं आता शिवसेनेला अडीच वर्षांच्या मुख्यमंत्रिपदाची ऑफर देल्याची सूत्रांची माहिती आहे. त्यामुळं आज महाराष्ट्रात हालचालींना वेग येणार आहे.
लाइव्ह अपडेट्स:
>> मुख्यमंत्रिपदासाठी उद्धव ठाकरे यांच्या नावावार एकमत; शरद पवारांनी दिली माहिती
>> शिवसेना, काँग्रेस, राष्ट्रवादीच्या बैठकीतून शरद पवार निघाले; बैठक सुरुच
>> नेहरू सेंटरमध्ये शरद पवार, उद्धव ठाकरे यांच्या उपस्थितीत महाविकास आघाडीची महत्त्वाची बैठक सुरू
>> उद्धव ठाकरे नेहरू सेंटरमध्ये पोहोचले
>> नेहरू सेंटरमधील बैठकीसाठी उद्धव ठाकरे रवाना
>> नेहरू सेंटरमध्ये शरद पवार आणि संजय राऊत पोहोचले
>> शिवसेना-राष्ट्रवादी व काँग्रेसच्या नेत्यांमध्ये आज संध्याकाळी बैठक
>> काँग्रेस-राष्ट्रवादीची आघाडीतील घटक पक्षांसोबत बैठक सुरू
>> शिवसेनेच्या आमदारांची ‘मातोश्री’वरील बैठक संपली; सर्व आमदारांना मुंबईतच थांबण्याचे आदेश
>> उद्धव ठाकरे यांच्यानंतर आमदारांची एकनाथ शिंदे यांच्या नावाला पसंती
>> उद्धव ठाकरे यांनीच मुख्यमंत्री व्हावं, शिवसेनेच्या आमदारांची एकमुखी मागणी
>> राष्ट्रपती राजवट लागू झाल्यानंतर देवेंद्र फडणवीस यांच्याकडून संपर्क झाला होता. पण उद्धव ठाकरे यांना शब्द दिलेला असल्यानं मी त्यांचा प्रस्ताव नाकारला – कडू
>> राष्ट्रवादीसोबत जाण्याची मानसिकता नव्हती – अपक्ष आमदार बच्चू कडू यांचं वक्तव्य
>> दिल्लीतील काँग्रेस नेते आज मुंबईत येणार, पवारांशी चर्चा करून पुढील निर्णय घेणार
>> काँग्रेसच्या गटनेत्यांच्या निवडीचे अधिकार पक्षाध्यक्षा सोनिया गांधी यांना
>> संजय राऊत लीलावती रुग्णालयात; शस्त्रक्रियेनंतरच्या तपासणीसाठी ते रुग्णालयात गेले असण्याची शक्यता
>> शिवसेना विचारानं बदल असेल तर त्यांच्यासोबत जाण्यात वावगं वाटत नाही – अबू आझमी
>> मोठ्या शत्रूला दूर ठेवण्यासाठी छोट्या शत्रूला जवळ केलं – अबू आझमी
>> शिवसेनेचे आमदार ‘मातोश्री’वर पोहोचण्यास सुरुवात
>> माझ्या नावाची वगैरे चर्चा नाही. उद्धव ठाकरे यांनी नेतृत्व करावं अशी महाराष्ट्राची इच्छा आहे – राऊत
>> मी नेहमीच बाळासाहेबांचा शिवसैनिक म्हणून काम केलंय – राऊत
>> आता कुणी इंद्राचं आसन जरी दिलं तरी आम्हाला नको – राऊत
>> महाराष्ट्राला मजबूत, कणखर मुख्यमंत्री मिळेल – राऊत
>> नव्या ऑफर घेण्याची ही वेळ नाही. आता सेल संपलेला आहे, संजय राऊत यांचा भाजपला सणसणीत टोला
>> पाच वर्षे शिवसेनेचाच मुख्यमंत्री असेल यावर तिन्ही पक्षांचं एकमत आहे – राऊत
>> तो क्षण आता आला आहे. महाराष्ट्राच्या मुख्यमंत्रिपदावर शिवसैनिक विराजमान होणार आहे – संजय राऊत
>> राष्ट्रवादी काँग्रेसचे नेते शरद पवार यांच्या भेटीसाठी ‘सिल्व्हर ओक’वर दाखल
>> खासदार संजय राऊत यांचं सूचक ट्विट; शिवसेनेच्या जुन्या मित्रपक्षाला टोला
