नागपूर : नागपूर महानगरपालिकेचे सर्व्हर स्थानांतरीत करण्याचे कार्य सुरु आहे. त्यामुळे महानगरपालिकेच्या कर व कर आकारणी विभागाच्या सेवा, ऑनलाईन पेमेंट, म.न.पा.च्या वेबपोर्टल इत्यादी सर्व सेवा बंद राहतील. या सेवा दि. २४.०६.२०१९ पासून सुरु होण्याची शक्यता आहे. नागरिकांनी कृपया नोंद घ्यावी व सहकार्य करावे असे म.न.पा. उपायुक्त-२ यांनी एका परिपत्रकाद्वारे कळविले आहे.
तांत्रीक अडचण असल्यामुळे जन्म-मृत्यू विभाग म.न.पा.चे सॉफ्टवेअर दि. १९.०६.२०१९ ते दि. २१.०६.२०१९ पर्यंत बंद राहील अशी माहिती संगणकीकरण प्रमुख/तांत्रीक विभागामार्फत देण्यात आलेली आहे. त्यामुळे उक्त कालावधी मध्ये सन २०१५ पर्यंतचे जन्म-मृत्यू घटनांचे दाखले विभागामार्फत निर्गमित करणे बंद राहील. या करीता जन्म-मृत्यू विभाग, म.न.पा. नागपूर दिलगीरी व्यक्त करित आहे. परंतू केंद्र शासनाच्या जन्म-मृत्यू सॉफ्टवेअर मध्ये सन २०१६ पासूनच्या जन्म-मृत्यू घटनांच्या नोंदणी झालेले दाखले नियमितपणे निर्गमित करण्यात येतील. करीता नागरिकांकडून सहकार्य करावे.असे आरोग्य अधिकारी (एम) तथा निबंधक (जन्म-मृत्यू) म.न.पा. नागपूर यांनी एका प्रसिध्दी पत्रकाद्वारे कळविले आहे.
अधिक वाचा : शेतकरी आणि ओबीसी हिताचा अर्थसंकल्प – नंदा जिचकार, महापौर, नागपूर
