गांजा तस्कर गजाआड, एक फरार

नागपूर: सीताबर्डी पोलिसांनी टेकडी मार्गावर सापळा रचून गांजा तस्कराला अटक केली. त्याचा एक साथीदार फरार झाला. वृषभ पुरुषोत्तम द्विवेदी (वय २२, रा. गार्ड लाइन) हे अटकेतील तर अज्जू उईके,असे फरार तस्कराचे नाव आहे.

सीताबर्डी पोलिस स्टेशनचे वरिष्ठ पोलिस निरीक्षक जग्वेंद्रसिंग राजपूत यांच्या मार्गदर्शनाखाली शिपाई प्रेमचंद पाटील व त्यांचे सहकारी शनिवारी गस्त घालत होते. एम.एच. ३१-एफके १०६६ या मोपेडवर जात असलेल्या दोघांवर पोलिसांना संशय आला. पोलिसांनी चालकाला मोपेड थांबविण्याचा इशारा केला. त्याने गाडी थांबविताच मागे बसलेला अज्जू पसार झाला. पोलिसांनी वृषभ याला अटक केली. मोपेडच्या डिक्कीतून २५ हजार रुपये किमतीचा गांजा जप्त केला. पोलिसांनी वृषभ याची २७ जानेवारीपर्यंत पोलिस कोठडी घेतली आहे.

Comments

comments