करोनाच्या संसर्गाने जगभरात थैमान घातले असताना एक सात वर्षांपूर्वीचे ट्विट सध्या व्हायरल होत असून त्याची चर्चा सुरू आहे. सात वर्षांपूर्वीचे करोना व्हायरस येतोय असे ट्विट केले होते. मार्को नावाच्या व्यक्तिने @Marco_Acortes या ट्विटर हॅण्डलवरून ट्विट केले होते. करोनाच्या थैमानाची चर्चा सुरू असताना या ट्विटकडे अनेकांचे लक्ष वेधले गेले आहे.
@Marco_Acortes या ट्विटर हॅण्डलवरून ३ जून २०१३ रोजी ट्विट करण्यात आले होते. या ट्विटला जवळपास दोन लाखजणांनी रिट्विट केले असून १८ हजारांहून अधिक कमेंट आहेत. तर, दोन लाखांहून अधिकजणांनी हे ट्विट लाइक केले आहे. माक्रोने मार्च २०१३ मध्येच ट्विटवरवर अकाउंट सुरू केले होते. तर, त्याचे शेवटचे ट्विट ११ डिसेंबर २०१६ रोजीचे आहे. या शेवटच्या ट्विटमध्ये स्माइली इमोजी ट्विट केली आहे.
Corona virus….its coming
— Marco (@Marco_Acortes) June 3, 2013
या ट्विट खाली अनेकांनी वेगवेगळ्या प्रतिक्रिया नोंदवल्या आहेत. यातील काही युजर्सने ट्विट हॅक करून जुन्या तारखेला ट्विट केले असल्याचे म्हटले आहे. तर, काहींनी या सात वर्षापूर्वी केलेल्या त्यावेळी कोणी मनावर घेतले होते का, असाही प्रश्न उपस्थित केला आहे.
करोना महासाथीबाबत याआधी अशाच प्रकारे दावे करण्यात आले होते. वर्ष १९८१ मध्ये लिहिलेल्या ‘The Eyes of Darkness’ या कांदबरीत एका विषाणूने धुमाकूळ घातल्याचे वर्णन होते. या विषाणूला वुहान-४०० असे नाव देण्यात आले होते. हा विषाणू जैविक शस्त्र असल्याचे कांदबरीत म्हटले होते.
