लोणावळा: गेल्या काही दिवसांपासून उत्सुकता लागलेल्या बिग बॉस मराठी या शोच्या पहिल्या पर्वात अभिनेत्री मेघा धाडे हिने बाजी मारली. मेघाने सई लोकूर, पुष्कर जोग, आस्ताद काळे, स्मिता गोंदकर यांना मागे टाकत विजेतेपद मिळवले. यासह मेघाला ५० लाख रुपयांचे बक्षीस मिळणार आहे. अंतिम फेरीत पुष्कर जोग आणि मेगा यांच्यात लढत झाली त्यात मेघाने विजेतेपद मिळवले.
रविवारी झालेल्या अंतिम फेरीत सर्व प्रथम शर्मिष्ठा राऊत त्यानंतर आस्ताद काळे, सई लोकूर हे बाहेर पडले. त्यानंतर विजेतेपदासाठी मेघा, पुष्कर आणि स्मिता यांच्यात चुरस होती. अंतिम लढत मेघा आणि स्मिता यांच्या होईल असे वाटले होते. पण स्मिता बाहेर पडली आणि मेघा व पुष्कर यांच्यात अखेरची लढत झाली. बिग बॉसच्या घरातील अन्य दावेदारांना बाजूला सारत ‘बिग बॉस’ची ट्रॉफी मेघाने आपल्या नावावर केली.
अधिक वाचा : In Photos: Katrina Kaif, Kalyan Jewellers makes a grand opening in Nagpur
