नागपूर : गणेश विसर्जनासाठी विसर्जनस्थळी कृत्रिम टाक्यासह प्लास्टीकचे कृत्रिम टँक उपलब्ध करून देण्यात आले आहेत. विसर्जन स्थळी निर्माल्य संकलनासाठी मोठे कलष, मोठे ड्रम, विद्युतव्यवस्थेसह परिसरातील नियमीत सफाई करिता कर्मचारी यांच्यासह सर्व यंत्रणा सज्ज ठेवा, असे निर्देश कार्यकारी महापौर दीपराज पार्डीकर यांनी दिले.
गणेश विसर्जनासाठी नागपूर महानगरपालिकेतर्फे करण्यात आलेल्या व्यवस्थेचे शनिवारी (ता.१५) कार्यकारी महापौर दीपराज पार्डीकर व स्थायी समिती सभापती वीरेंद्र कुकरेजा यांनी निरीक्षण केले. शहरातील नाईक तलाव, सक्करदरा तलाव व गांधीसागर तलावावरील गणेश विसर्जनस्थळांची पाहणी करून कार्यकारी महापौर दीपराज पार्डीकर व स्थायी समिती सभापती वीरेंद्र कुकरेजा यांनी व्यवस्थेचा आढावा घेतला.
यावेळी आरोग्य समिती सभापती मनोज चापले, नगरसेवक प्रमोद चिपले, नगरसेवक रमेश पुणेकर, आरोग्य अधिकारी (स्वच्छता) डॉ. प्रदीप दासरवार, कार्यकारी अभियंता गिरीश वासनीक, सतरंजीपुरा झोनचे सहायक आयुक्त प्रकाश वराडे, नेहरू नगर झोनचे सहायक आयुक्त राजेश कराडे, धंतोली झोनच्या सहायक आयुक्त स्मिता काळे, जनसंपर्क अधिकारी अशोक कोल्हटकर, खिलेंद्र बिटलेकर, युवराज कांबळे आदी उपस्थित होते.
नाईक तलावामध्ये परिसरातील नागरिकांकडून सांडपाणी सोडले जाते, त्यामुळे तलाव अस्वच्छ होत आहे. ज्या नागरिकांच्या सांडपाण्याच्या पाईपलाईन तलावापर्यंत येत आहेत, त्या सर्व लाईन तात्काळ बंद करा, असे निर्देश यावेळी कार्यकारी महापौर दीपराज पार्डीकर व स्थायी समिती सभापती वीरेंद्र कुकरेजा यांनी दिले. हरातालिका विसर्जन व यानंतर गणेश विसर्जनामुळे तलावाचे आरोग्य बिघडत आहे. तलावाचे सौंदर्य कायम राहावे, यासाठी पुढील वर्षीपासून नाईक तलाव
सक्करदरा तलाव मागील वर्षीपासून गणेश विसर्जनासाठी पूर्णत: बंद आहे. त्यामुळे येथे १२ कृत्रिम तलाव व ३ खड्डे करून तलाव तयार करण्यात आले आहेत. कृत्रिम तलाव उभारताना परिसरात मोठ्या प्रमाणात खड्डे पडले जातात. त्यामुळे परिसराच्या सौंदर्यात बाधा निर्माण होते. यावर उपाय म्हणून पुढील वर्षीपासून स्थायी स्वरूपाच्या कृत्रिम टँक तयार करण्यात याव्यात, असेही कार्यकारी महापौर दीपराज पार्डीकर व स्थायी समिती सभापती वीरेंद्र कुकरेजा यांनी निर्देशित केले. सक्करदरा तलावाप्रमाणेच गांधीसागर तलावामध्येही विसर्जनास बंदी आहे. त्यामुळे येथील टँकसह कृत्रिम तलावांची व्यवस्था चोख ठेवण्यात यावी. कृत्रिम तलावामध्ये हरतालिका व दीड दिवसांच्या गणेशाचे विसर्जन करण्यात आल्याने, येथील स्वच्छता वेळोवेळी करण्यात यावी. कृत्रिम तलाव स्वच्छ करताना आवश्यक असणारे जास्तीत पंम्प लवकरात लवकर उपलब्ध करून कृत्रिम तलाव स्वच्छ करा, असेही निर्देश महापौर दीपराज पार्डीकर व स्थायी समिती सभापती वीरेंद्र कुकरेजा यांनी यावेळी दिले.
सर्व विसर्जनस्थळी प्रवेश द्वारावरच निर्माल्य संकलन करण्याची व्यवस्था करण्यात यावी. सक्करदरा, गांधीसागर आणि सोनेगाव तलावामध्ये गणेश मूर्ती विसर्जन पूर्णत: बंद आहे. त्यामुळे या ठिकाणी भाविकांची मोठी गर्दी उसळते. त्यामुळे सुरक्षेच्या दृष्टीने विशेष काळजी घेण्याचेही कार्यकारी महापौर दीपराज पार्डीकर व स्थायी समिती सभापती वीरेंद्र कुकरेजा यांनी निर्देशित केले. यावेळी तिन्ही झोनमधील अग्निशमन विभागाचे स्थानक प्रमुख प्रामुख्याने उपस्थित होते.
अधिक वाचा : बघा व्हिडिओ : केंद्रीय मंत्री नितिन गडकरी यांच्या घरी बाप्पाचे आगमन
