सॅरिडॉन आणि डी कोल्डसह ३०० हून अधिक औषधांवर केंद्रीय आरोग्य मंत्रालयाकडून लवकरच बंदी घातली जाऊ शकते. ही फिक्स्ड डोस कॉम्बिनेशन (एफडीसी) औषधे आहेत. सरकारनं या औषधांवर बंदी घातल्यास त्याचा एबॉटसारख्या बहुराष्ट्रीय कंपन्यांसह पिरामल, मॅक्लिऑड्स, सिप्ला आणि ल्युपिनसारख्या राष्ट्रीय कंपन्यांना फटका बसणार आहे. दरम्यान, सरकारनं हा निर्णय जाहीर केल्यास त्याविरोधात या कंपन्या न्यायालयात धाव घेऊ शकतात.
सरकारनं या निर्णयाची अंमलबजावणी केल्यास फेंसेडिल, सॅरिडॉन, डी कोल्ड टोटलसारखे कफ सिरप आणि पेन किलरवर बंदी येईल. ज्या ३४३ औषधांच्या उत्पादनावर, विक्री आणि वितरणावर बंदी घालण्याचा सरकार करत आहे, त्याची यादी औषध तांत्रिक सल्लागार मंडळाच्या (डीटीएबी) शिफारशीच्या आधारे तयार करण्यात आली आहे. याबाबत आरोग्य विभागातील सूत्रांच्या माहितीनुसार, पुढील आठवड्यात अंतिम अधिसूचना जारी होण्याची शक्यता आहे.
अधिक वाचा : पावसाळ्यात आजारपण दूर ठेवण्यासाठी हे पदार्थ खाणे टाळा
