नागपूर : व्यावसायिक वादातून ऑटोचालकाचे अपहरण करून त्याला लुटणाऱ्या टोळीला धंतोली व गुन्हे शाखा पोलिसांनी अटक केली.
बादल प्रधान (वय २४, रा. कुकडे ले-आऊट), गजानन लक्ष्मण वडगे (२०), सुकेश सिद्धार्थ ढेंगाळे (२५) व अक्षय अमुलकर (वय २४,सर्व रा. रामेश्वरी), अशी अटकेतील लुटारुंची, तर गिरिजेश उमेश पांडे (वय २८, रा. रामेश्वरी ), रिंगरोड असे ऑटोचालकाचे नाव आहे.
पांडे हा सीताबर्डी ते रामेश्वरीदरम्यान सहा आसनी ऑटो चालवितो. रविवारी रात्री ८ वाजता पांडे हा मुंजे चौकातील महाराष्ट्र बँकेसमोरील ऑटोस्टँडवर ऑटो घेऊन आला. तो प्रवासी शोधत होता. याचवेळी चौघे तेथे आले. बळजबरीने त्याला ऑटोत बसविले. वर्धा मार्गावरील सुयोगनगर भागात घेऊन गेले. त्याच्याकडील मोबाइल व पाच हजार रुपये हिसकावले. चौघे ठार मारतील,या भीतीने संधी साधून पांडे याने ऑटोतून उडी घेतली. थेट धंतोली पोलिस स्टेशन गाठून तक्रार दिली. पोलिसांनी अपहरण व लुटपाटीचा गुन्हा दाखल करून गुन्हे शाखेच्या मदतीने चौघांना अटक केली.
अधिक वाचा : नागपुर स्टेशन पर आरपीएफ ने पकड़ी गांजे की खेप : ४ लाख का गांजा बरामद
){kind=link}