नागपुर (प्रतिनिधी) : शहरात सध्या मोहरम चे वातावरण सुरु असतांना गुरुवारी सायंकाळी नागपूर जिल्ह्यातील कळमेश्वर- सावनेर मार्गावर वरोडा शिवारात भीषण अपघात झाला. एका भरधाव ट्रकने ऑटोला धडक दिल्याने या अपघातात ऑटोतील पाच प्रवाशांचा जागीच मृत्यू झाला तर काही प्रवासी गंभीर जखमी झाले आहे. मृतात तीन लहान मुले, एक महिला आणि पुरुषांचा समावेश असल्याचे सांगितले जात आहे.
माहिती नुसार मोहरम निमित्त नागपुरातील ताजबाग परिसरातील काही भाविक वरोडा शिवारातील चाँदशाह दग्र्याकडे ऑटोने जात होते. कळमेश्वर-सावनेर मार्गाववर वरोडा शिवारातील पोल्ट्री फार्मजवळ सावनेरकडून कळमेश्वरकडे जाणाऱ्या या भरधाव ट्रकने ऑटोला जोरदार धडक दिली. यात पाच प्रवाशांचा जागीच मृत्यू झाला असून जखमींना नागपूर येथे उपचारासाठी दाखल करण्यात आले.
मृतकांचे मृतदेह कळमेश्वर येथील शासकीय रुग्णालयात आणण्यात आले असून त्यांची ओळख पटविण्याचे काम सुरू आहे. या घटनेची माहिती मिळताच कळमेश्वर पोलिस घटनास्थळी दाखल झाले. मृतक हे नागपुरातील रहिवाशी असल्याचे सांगितले जात आहे. तर काहींच्या मते ते हैदराबाद येथील रहिवासी असल्याचे जखमींपैकी एकाने सांगितले.
