माजी पंतप्रधान अटल बिहारी वाजपेयी यांच्‍या आयुष्‍यावर बायोपिक येतोय. दिग्‍दर्शक मयंक पी. श्रीवास्तव आणि निर्माते राजीव यांनी या वर्षाच्‍या सुरूवातीला या बायोपिकची तयारी सुरू केली होती. या बायोपिकचं टायटल ‘युगपुरुष अटल’ असं आहे.
चित्रपटाला संगीत बप्पी लाहिरी यांनी दिलं आहे. या चित्रपटात दोन-तीन गाणी आहेत. या चित्रपटाबद्‍दल लाहिरी म्‍हणाले, ‘काही दिवसांनी अटलजी यांची भूमिका परफेक्‍ट करणार्‍या कलाकाराचा शोध घेऊन त्‍याला कास्‍ट केलं जाईल. त्‍यांच्‍या कविता गाण्‍यात समाविष्‍ट करण्‍यात येतील. आम्‍ही खूप रिसर्च केलं आहे. माझी भेट अटलजी यांच्‍याशी झाली होती. ज्‍यावेळी माझी भेट झाली होती, त्‍यावेळी त्‍यांची प्रकृती खराब होती. अटलजी यांच्‍या बायोपिकमध्‍ये माझ्‍या एका सुपरहिट गाण्‍याचाही समावेश असेल.
मयंक म्‍हणाले, अटलजी यांची भाची माला तिवारी यांच्‍याशी चर्चा करून हा बायोपिक बनवला जात आहे. या चित्रपटात अटलजी यांचे बालपण ते राजकारणातील करिअर दाखवले जाणार आहे.
अधिक वाचा : अक्षय कुमार की ‘गोल्ड’ कमाई में जॉन अब्राहम की फिल्म ‘सत्यमेव जयते’ से आगे निकली
