महाराष्ट्रापासून छत्तीसगढपर्यंत विविध जिल्ह्यांमध्ये नायब सुभेदार वडिलांकडून ‘प्रेम’ मिळाले नाही म्हणून तब्बल ३३ ट्रक ड्रायव्हरांचे खून करणाऱ्या अत्यंत विकृत व्यक्तीला मध्य प्रदेशात अटक करण्यात आली आहे. त्याने आतापर्यंत केलेले खून आणि त्याची कौटुंबिक पार्श्वभूमी पाहून पोलिससुद्धा चक्रावून गेले आहेत. त्या विकृत सिरियल किलर व्यक्तीचे नाव आदेश कामरा आहे.
संशयित आरोपी कामत करत असलेल्‍या दाव्यांवर विश्वास न ठेवता पोलिस विविध पैलूंची पडताळणी करत आहेत. आदेश खून करण्यासाठी पहिल्यांदा ट्रक डायव्हरांशी मैत्री करायचा आणि नंतर त्यांचा गेम करायचा अशी माहिती मिळाली आहे. सिरियल किलर आदेशने पोलिसांना माहिती देताना सांगितले की, वडिलांकडून त्याला कधीच प्रेम मिळाले नाही म्हणून असा विकृत झालो. घरामध्ये माझी कुणीही काळजी करत नव्हते, त्यामुळे मी आत्मकेंद्रीत झालो त्यामुळे माझ्या मनात इतका राग भरला होता, की मला कळालचं नाही की मी इतका हिंस्त्र कसा झालो.
पोलिस त्याने केलेल्या दाव्यांची तपासणी करत आहेत. आदेश कामराचे वडील लष्करामध्ये नायब सुभेदार होते. त्यामुळे नोकरीच्या ठिकाणची शिस्त ते घरी लावण्याचा प्रयत्न करत होते. ते खूपच कडक शिस्तीचे होते. छोट्या-छोट्या गाष्टींसाठी ते घरातून बाहेर काढत असत. आदेशला ट्रॉमाची लागण आहे. गेल्या आठ वर्षांपासून त्याने वेगवेगळ्या जिल्ह्यांमध्ये जाऊन ट्रक ड्रायव्हरांचे खून केले आहेत.
अधिक वाचा : बेकाबू ट्रक की चपेट में वाहन चालक की मौत; गैस सिलेंडर से भरा था ट्रक
