नागपूर : जुन्या वैमनस्यातून काठीने वार करून ३० वर्षीय युवकाची हत्या करण्यात आली. ही घटना रविवारी रात्री ९ वाजताच्या सुमारास शांतीनगरमधील नालंदा चौकात घडली. शशिकांत ऊर्फ प्रवीण नत्थुजी गायधने, असे मृतकाचे तर ओमप्रकाश लीलाधर नागपुरे, असे मारेकऱ्याचे नाव आहे. तो फरार आहे.
प्रवीण हा मालवाहू चालक आहे. काही दिवसांपूर्वी त्याचा ओमप्रकाश याच्यासोबत वाद झाला होता. रविवारी रात्री प्रवीण हा घरासमोर उभा होता. ओमप्रकाश तेथे आला. त्याने काठीने प्रवीणच्या डोक्यावर वार केला. रक्ताच्या थारोळ्यात प्रवीण खाली पडला. त्याचा मृत्यू झाला. ओमप्रकाश पसार झाला. घटनेची माहिती मिळताच पोलिसांचा ताफा तेथे पोहोचला. पंचनामा करून प्रवीणचा मृतदेह मेयो हॉस्पिटलकडे रवाना केला. शांतीनगर पोलिसांनी हत्येचा गुन्हा दाखल करून फरार ओमप्रकाशचा शोध सुरू केला आहे.
अधिक वाचा : ‘लिव्ह इन’मधून प्रेयसीची गळा चिरून हत्या
