नागपूर: विदर्भातील शिर्डी अर्थात वर्धा रोड स्थित प्रसिद्ध साईबाबांच्या चरणी गुरुपौर्णिमेच्या मुहूर्तावर दीड किलो सोन्याचा हार अर्पण करण्यात आला आहे. श्री साईबाबा सेवा मंडळ आणि भक्तांनी दान केलेल्या देणगीतून हा सोनेरी हार साकारण्यात आला आहे, अशी माहिती संस्थानचे सचिव अविनाश शेगावकर यांनी दिली.
शिर्डीप्रमाणेच वर्धा मार्गावरील साई मंदिरात भाविकांची दररोज गर्दी असते. विशेषत: प्रत्येक गुरुवारी येथे विदर्भातून भाविक येतात. गुरुपौर्णिमेनिमित्त मंदिराची विशेष सजावट करण्यात आली आहे. मंगलकलश यात्रेने सकाळी ६ वाजता उत्सवाची सुरुवात झाली. यानंतर साईबाबांची पूजा करून सकाळी ७ वाजता सोन्याचा हार अर्पण करण्यात आला. सकाळी १० वाजता पालखी मिरवणूक निघत असून, दुपारी १२ वाजतापासून महाप्रसाद वितरण करण्यात येईल, अशी माहिती शेगावकर यांनी दिली.
बघा व्हिडिओ
